Wenn hier en Pott mit Bohnen steit
und dor en Pott mit Bri
Denn lat ick Bri un Bohnen stahn
un geh na min Marie
De Deern, de is so prick und nett
so schön as Melk un Blot
De krusen Hoor op ehrem Kopp
wägt miehr as hunnert Lot
Marie, Mara, Maruschkaka
Marie, Mara, Marie
Ehr Hand, de is so putt un week
ehr Arm so prall un rund
Ick drück Marie wohl an min Bost
und küß ehr op den Mund
Un wenn se mi denn wedder Küßt
so hartlich un so tru
denn segg ick: “Eh’r en Johr vergeiht
büst du min söte Fru.”
Marie, Mara, Maruschkaka
Marie, Mara, Marie
Un is denn noch´n Johr vörbi
so schenkt uns Gott en Kind
denn lach ick un denn frei ick mi
dat we so glücklich sünd
Marie, Mara, Maruschkaka,
Marie, Mara, Marie
Verfasser unbekannt, seit etwa 1800